اوجاقلو ماحمود (تایماز)
ماحمود اوجاقلونون بلاقی
تاريخ : 1394.4.5 | یازار : تایماز
+0

بو قوشوغو بوتون قاشقای تورکلرینین ایگید قیزلارینا سونورام.




قاشقایلی خالچاچی قیز

خالچاچی قیز توختاق توخو

سن خالچالار تانریسی اول

ایلمه‌ایلمه دارا سیرا

یارات یارات

اورمانلاری

حئیوانلاری

سئوگی‌لی‌لر ناخیشلاری سیرا سیرا توخو

آرخاچ کئچیر

دفه‌نی چال ارکین‌لی‌گین ماهنی‌سینی یاردادیرسان

سن یارادان سن تانری‌سان

گؤرمه‌لی‌دیر نوح گمی‌سین بویالارین دالغاسیندا

دونیا بویو دنیزلرده ، فیرتینالار آراسیندا

خالچالارین ائلچی‌لردی گؤنده‌ریبسن

هر بیری بیر قونوشان دیل

هر بیر بویا

آیه‌لردی ، سوره‌لردی



 خالچالاردا گؤز یاشلارین داملاسی وار

آرازلارین لیغیر لیغیر داشماسی وار

آنالاردان اوخشامالار ، بایاتی‌لار ، نازلامالار

آتالاردان یهر‌له‌نمیش قیرآتلارین کیشنه‌مه‌سی

قیلینجلارین اؤپوشمه‌سی

بولوتلارین سئویشمه‌سی

 


خالچاچی قیز توختاق توخو

یاواش یاواش شیش‌لرله کئچ

دارا چکیلمیش ساپلارین پودلاریسان

ایلمه‌لرین یاتاغی‌سان

جالانییپ‌سان گؤزونده‌کی سورمه‌لری یاراتدیغین جئیرانلارین گؤزلرینه

آی اولدوزسوز گئجه‌لرین سؤزلرینه

گؤزه‌للیگین لاپ اؤزوسن

تانری‌لارین باش سؤزوسن

 

خالچاچی قیز سسلی توخو

ده‌ده‌قورقوت اوخو توخو

ده‌ده‌م قورقوت اوخو ...










آچار سؤزلر : قاشقایی,

گؤنده ر 100 درجه کلوب دات کام گؤنده ر     بؤلوم لر: شعر
یارپاق لار: [1]
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :